"Милан" футболчиси билан шартномани узайтирди

"Милан" матбуот хизмати ҳимоячи Маттео Габбия билан шартнома узайтирилганлигини маълум қилди.

Баёнотга кўра, 25 ёшли ҳимоячи билан янги келишув 2029 йил ёзига қадар амал қилади. Габбия "россонери" тарбияланувчиси ҳисобланади. У 2019/20 йилги мавсумда жамоада дебют қилганди. Шундан буён у асосий жамоа таркибида 84 ўйинда қатнашиб, 5та гол урди.

Ушбу мавсумда Габбия А Сериянинг 5 ўйинида иштирок этиб, 1 марта рақиблари дарвозасига йўл топди.

Манба : acmilan.com